Во Австрија од 1 март ќе стапат на сила построгите правила за брзо возење.
Оние кои ќе ја надминат дозволената брзина за најмалку 80 километри на час во населбата или најмалку 90 километри на час надвор од населбата, ќе им биде одземено возилото и продадено на аукција, пренесува австриската агенција АПА. Ако возачот веќе бил казнет за пребрзо возење во минатото, на пример за учество во нелегални трки со автомобили, автомобилот може да му биде одземен ако ја надмине дозволената брзина за повеќе од 60 километри на час во урбани средини и 70 километри на час надвор од градски области.
Министерот: Ќе им го одземеме криминалното оружје
„Постои брзина со која автомобилот станува оружје. Ќе ставиме крај на ова сега и ќе обезбедиме во иднина насилниците веднаш и трајно да бидат лишени од нивното криминално оружје“, рече министерката за транспорт Леоноре Гевеслер.
Австриската автомобилска асоцијација (ÖAMTC) се сомнева во ефективноста на мерката и има правни проблеми. „Од една страна, нема студии кои докажуваат дека построгите казни ги одвраќаат луѓето од извршување прекршоци повеќе отколку пониските. Дополнително, за ваквите драстични интервенции во имотот треба да одлучуваат кривичните судови, а не административните органи“, објасни за АПА, адвокатот на ÖAMTC, Матијас Волф.
Со оваа мерка Австрија ги следи соседните Италија и Швајцарија. Последен пат ги заостри казните за возачите кои брзо возат беше во 2021 година, кога драстично ги зголеми казните и го продолжи времетраењето на суспензијата на возачките дозволи.
