Австрија протера четворица руски дипломати поради постапување на начин некомпатибилен со нивниот дипломатски статус, изјави во четвртокот портпаролката на австриското Министерство за надворешни работи, а земјата се приклучи на групата земји од ЕУ кои презедоа слични чекори оваа недела.За разлика од другите земји на ЕУ, вклучувајќи ги Франција, Италија и Германија, портпаролот на австрискиот министер за надворешни работи Александар Шаленберг не рече дека потегот е резултат на акциите на руските сили во Украина.
Тројца дипломати од руската амбасада во Виена и еден во Салцбург мора да ја напуштат Австрија до 12 април.
Голем број земји-членки на НАТО и ЕУ одлучија да протераат некои руски дипломати по извештаите за откривање масовни гробници и убиства на цивили во украинскиот град Буча, по повлекувањето на руските војници.
Москва, која тврди дека снимките од погубените цивили во Буча се лажни производи на украинската и западната пропаганда со цел да се дискредитира Русија, соопшти дека ќе возврати на протерувањето, пренесува РИА Новости.
