Австралискиот премиер Ентони Албанес рече дека неговата влада законски ќе ги забрани социјалните медиуми за деца под 16 години, што е прв таков предлог во светот.
„Социјалните мрежи им штетат на нашите деца и сакам да застанам на патот на тоа“, рече Албанезе на прес-конференција во четвртокот.
Законот ќе биде во парламентот оваа година, а треба да стапи во сила дванаесет месеци откако пратениците ќе го прифатат, додаде тој.
Исклучок нема да бидат корисници кои имаат родителска согласност.
„Социјалните мрежи ќе имаат обврска да го спречат пристапот. Тој товар нема да биде ниту на децата, ниту на родителите“, рече премиерот.
Министерката за комуникации Мишел Роланд објасни дека законот ќе важи за платформите на Мета Инстаграм и Фејсбук, како и за ТикТок и Икс на Илон Маск, а веројатно и за YouTube.
