Австралија ќе ги принуди Мета и Гугл да плаќаат за вести споделени на нивните платформи според новата шема објавена денеска, заканувајќи им се дека ќе ги оданочуваат доколку одбијат да склучат договори со локалните медиуми.
Австралија сака големите технолошки компании да ги компензираат локалните издавачи за споделување написи што го поттикнуваат сообраќајот на нивните платформи.
– Брзиот раст на дигиталните платформи во последниве години го наруши медиумскиот простор на Австралија и ја загрозува одржливоста на новинарството од јавен интерес. Важно е дигиталните платформи да ја играат својата улога. Тие треба да поддржат пристап до квалитетно новинарство кое ја информира и ја зајакнува нашата демократија – изјави за новинарите министерката за комуникации Мишел Роланд.
