Австралиската влада интервенираше денеска за да блокира нов обид за ископ на ураниум во национален парк.
Како што пишува „Фајненшл тајмс“, со ова речиси заврши деценискиот спор околу едно од најголемите наоѓалишта на висококвалитетен ураниум во светот.
Energy Resources Australia, која е во мнозинска сопственост на Рио Тинто, поднесе барање за обновување на лиценцата за рударство на локацијата наречена Јабилука, што предизвика бес кај Мирара, локална домородна заедница.
Оригиналниот план за развој беше стопиран во 1990-тите по голем јавен бунт.
Но, зголемената цена на ураниумот и јавната дебата за тоа дали Австралија треба да усвои нуклеарна енергија го сврте вниманието кон Јабилука.
Малцинските инвеститори во ЕРА бараа да се продолжи лиценцата и да започне развојот во последните недели.
