Авион на холандската авиокомпанија „KLM“ принудно слета во Норвешка откако се појави проблем со моторот за време на летот. Според норвешката полиција, во инцидентот нема повредени патници.
Во соопштението се наведува дека „Боинг 737“, кој летал од Осло кон Амстердам, принудно слетал синоќа во јужниот дел на Норвешка поради дефект што се појавил набргу по полетувањето.
Сите 182 лица во авионот, вклучувајќи го и екипажот, останале неповредени, пренесе „NL Times“.
По безбедното слетување, патниците го поздравиле екипажот со аплауз.
