Новооткриениот објект е наречен Телеос, што на старогрчки значи „совршен“. Има дијаметар од 157 светлосни години и може да се открие само со радиотелескопи.
Астрономите и астрофизичарите беа воодушевени од откривањето на австралискиот телескоп ASKAP – совршено симетрична сфера, оддалечена милиони километри, од која доаѓаат радио бранови.
Објектот регистриран од радиотелескопот се наоѓа во нашата галаксија, но на растојание помеѓу 7.100 и 25.100 светлосни години од нас, а неговиот дијаметар е 157 светлосни години. Со други зборови, тоа е исклучително голем објект, за кој научниците веруваат дека веројатно сè уште се шири. Дури и физички да му се приближиме, немаше да можеме да го видиме, пишува Н1 Сараево.
Всушност, тешко е дури и да се нарече „објект“ бидејќи е видлив само преку радио бранови, кои припаѓаат на најдолгиот дел од електромагнетниот спектар.
Тој е целосно невидлив во рендгенскиот, инфрацрвениот и видливиот спектар. Ова значи дека дури и да стоевте до него – немаше да можете да го видите.
Според „Мејл онлајн“, мистериозен сферичен објект со „исклучителна кружна симетрија“ ги остави научниците без зборови. Го нарекле Телејос, што на старогрчки значи „совршен“ или „целосен“, токму поради неговата зачудувачка форма.
Остаток од супернова, млада експлозија или меур од ѕвезден ветер?
Научници од Австралија и Србија, кои го објавија откритието, разгледуваат повеќе хипотези за тоа што всушност би можел да биде Телеос и како настанал.
Извештај за овој феномен е објавен на серверот Arxiv, каде што чека рецензија од страна на колеги и валидација од независни истражувачи.
Првата хипотеза вели дека може да биде остаток од супернова – експлодирана ѕвезда. Сепак, Телеос има екстремно ниска површинска осветленост, што е невообичаено за остатоци од супернова.
Затоа, можно е да станува збор за многу млада супернова, стара помалку од 1000 години, или за многу стара – стара над 10.000 години. Сепак, ниту една од опциите не ја објаснува нејзината „прекумерна регуларност“, бидејќи остатоците од супернова генерално имаат деформирана форма – освен ако не се прошират во екстремно празен регион од вселената.
Трета хипотеза сугерира дека Телеос би можел да биде „меур“ од ѕвезден ветер – материјал што го испушта масивна ѕвезда за време на нејзиниот животен век. Овој ветер потоа ги „однесува“ околните гасови и прашина, оставајќи зад себе структура слична на меур.
Како што изјавија истражувачите за „The Conversation“, обликот и изолацијата на Телеос даваат ретка можност да се проучи самиот почеток на експлозија на супернова – еден од најмоќните космички настани.
„Неверојатно е што Телеос ја задржал својата симетрија и покрај стареењето и растењето до толку голема големина“, велат научниците. Ова укажува дека речиси целосно не било под влијание на надворешната средина, што отвора можности за прецизно истражување на условите што преовладувале на самиот почеток на експлозијата.
