Помошникот на украинскиот претседател Михаило Подољак изјави дека претседателот на Русија Владимир Путин е „одвоен од реалноста“ и дека е „неважен“.
Помошникот на Володимир Зеленски додаде дека вчерашниот говор на Путин е „класичен пример за обвинување на жртвата, но на макро ниво што, за жал, има сериозни последици за многу невини луѓе“.
Во својот говор, Путин ги обвини Западот и Украина за предизвикување конфликти и дека Русија „користи сила за да ги запре овие конфликти“.
Подољак рече дека Путин живее во „својот свет“ на противречности, во кој, за да ја одбраниш Русија, „треба да ја нападнеш Украина и масовно да убиваш цивили од друга земја“.
