На Бадник, претставници на Комисијата за спроведување на воено-техничкиот договор на Генералштабот на српските вооружени сили го презедоа од претставници на КФОР одговорот на барањето за враќање на до 1.000 припадници на српските вооружени сили и полицијата, пренесува РТС. Не е наведено кој е одговорот.
Одговорот е преземен во 19 часот на административниот премин Мердаре, се вели во соопштението од Министерството за одбрана, пренесува РТС.
„Министерството за одбрана го достави горенаведениот документ до Кабинетот на претседателот на Републиката и врховен командант на вооружените сили на Србија, Александар Вучиќ, со цел да го запознае претседателот со содржината на одговорот на КФОР“, се наведува во соопштението.
