Илјадници незадоволни Аргентинци го блокираа центарот на Буенос Аирес во средата за време на уличните протести, барајќи од владата да ги зголеми платите и бенефициите за невработеност во услови на зголемени животни трошоци и слабеење на националната валута.
Економската криза во таа земја доведе до скок на бројот на сиромашни на 40 отсто од населението, додека годишната стапка на инфлација се движи околу 70 отсто.
„Не можеме да продолжиме со оваа стапка на инфлација, секој ден губиме дел од нашите плати“, рече Пабло Мојано, шеф на синдикатот CGT, кој главно ги застапува државните службеници.
Цените во бакалите секојдневно се менуваат поради галопирачката инфлација, која само минатиот месец порасна за 7,4 отсто, што е најголем месечен пораст во последните две децении.
