Навивачите на Интер Мајами не беа среќни на средбата против Торонто и покрај убедливата победа на нивниот тим од 4:0.
Причина е предвременото заминување на Лионел Меси, кој поради повреда го напушти теренот во 37. минута.
Неиграњето на Аргентинецот доведе до вистински егзодус од стадионот на Флорида, кога само неколку минути подоцна навивачите почнаа масовно да ги напуштаат трибините.
Инаку, тренерот на тимот Тата Мартино по натпреварот истакна дека Меси би можел да го пропушти финалето на УС Опен купот против екипата на Хјустон Динамо. На натпреварот против Торонто се повреди уште еден играч на Интер, Џорди Алба.
Мартино изјави дека во следните неколку дена лекарскиот тим на Интер ќе го процени степенот на повредите на двајцата фудбалери, но истакна дека Меси и Алба сигурно ќе го пропуштат неделниот дуел со Орландо во МЛС лигата.
Натпреварот меѓу Интер и Хјустон ќе се одигра на 28 септември во Мајами.
