Следното Светско првенство ќе се одржи во 2026 година во Северна Америка, а веќе е познато дека ќе биде најголемото Светско првенство во историјата.
Домаќини на следното Светско првенство ќе бидат САД, Канада и Мексико, а ќе видиме најголемо проширување на бројот на репрезентации во историјата. Од 1998 година и првенството во Франција, а завршувајќи со завршениот турнир во Катар, на СП учествувале 32 репрезентации.
*Групи со три екипи или не?! Венгер зборува за Светското првенство во 2026 година.
Во Северна Америка ќе учествуваат 48 репрезентации. Ваквата промена најмногу ќе им користи на земјите од Африка и Азија, од кои ќе ги има повеќе, а за првпат директен претставник ќе има и Океанија. Европската колонија ќе биде зголемена од 13 на 16 екипи.
Првичната идеја на Џани Инфантино, претседателот на ФИФА, беше турнирот да се подели во 16 групи по три репрезентации, но поради неизвесноста што ја нуди натпреварувањето во Катар, одлучено е идејата дополнително да се разгледа.
Во моментов, пробниот план е турнирот да се подели во 12 групи од по четири екипи.
Исто така, бројот на стадиони ќе се удвои во однос на првенството во Катар. Наместо осум, 16 стадиони ќе се играат во Северна Америка, единаесет во САД и по три во Канада и Мексико. Сите натпревари од елиминациската фаза ќе се играат во САД.
