Како што продолжуваат израелските напади врз Газа, се појавија тврдења дека израелската армија ќе употреби нервен гас и хемиско оружје за да влезе во тунелите на палестинските групи на отпорот како дел од планираната копнена операција во блокираниот Појас Газа, јавува Anadolu.
Според „Middle East Eye“, повикувајќи се на арапски извори блиски до палестинските групи на отпорот, Израел планира да употреби нервен гас и хемиско оружје во тунелите во Газа под надзор на командоси на американските специјални сили.
Се додава дека Израел и Соединетите Американски Држави ќе се обидат да го изненадат Хамас и да влезат во тунелите и да спасат 220 израелски заложници кои ги држел Хамас.
Според планот, се тврди дека за постигнување на оваа цел ќе се користи меѓународно забрането оружје како нервен гас и хемиско оружје.
„Во тунелите ќе се испуштаат големи количини нервен гас“, изјави истиот извор.
Сепак, беше истакнато дека ова тврдење не е потврдено од американски или други извори.
