Претседателот на „Левица” Димитар Апасиев денеска соопшти дека неговата партија собрала 750 потписи за покренување задолжителен и дополнителен референдум на државно ниво кои денеска ќе ги предаде во собраниската архива.
– Ние не очекуваме опструкции. Доколку спикерот Талат Џафери се осмели да глуми уставен судија ќе почнеме со целосна блокада на Собранието, рече Апасиев.
Тој верува дека ќе има координација со пратениците од ВМРО-ДПМНЕ и нагласи дека очекуваат да бидат сериозно сфатени како опозиција.
– Се надеваме во добра волја да помине оваа референдумска иницијатива – рече Апасиев.
