Според првичната анкета објавена од Ипсос за француската телевизија и уште неколку медиуми од оваа земја, во вториот круг на претседателските избори во Франција, Емануел Макрон би добил 54, наспроти 46 отсто од гласовите за Марин Ле Пен, јави дописникот на МИА.
Анкетата е спроведена синоќа со репрезентативен, но ограничен примерок од 1.172 лица. Актуелниот претседател може да се надева дека ќе добие 54 отсто од гласовите, наспроти 46 за неговата конкурентка од екстремната десница.
За потсетување, во 2017 г. Макрон доби 66,1 отсто од гласовите, наспроти 33,9 отсто за Ле Пен во вториот круг од претседателските избори.
