Американската амбасадорка Анџела Агелер во врска со предложенииот закон за амнестија денеска изјави дека за САД и Американската амбасада е важно ваквите процеси да се одвиваат транспарентно и да бидат легални.
Таа нагласи дека е запознаена оти законот е влезен во собраниска процедура, но дека не е ја знае неговата содржина и додаде дека е важно политичките лидери да ја запознаат јавноста со потребата од негово носење.
– Граѓаните во земјата треба да разберат што се случува и зошто тоа се случува и нивните избрани лидери да комуницираат со нив зошто тоа е важно. Ова не е прв закон за амнестија, секако нема да биде последен и ние одблизу го следиме процесот за да го видиме крајниот резултат – рече Агелер одговарајќи на новинарско прашање при посетата на селото Радово по повод пуштање во употреба на предучилишен едукативен центар во Босилево, преку програма на УСАИД.
Кабинетот на претседателот на Парламентот вчера информираше дека законот веќе е доставен до пратениците и е предложен да се носи по скратена постапка.
Премиерот Димитар Ковачевски вчера рече дека законот не е правен за личности, туку за дела од помал обем со намера да се намали пренатрупаноста на затворските капацитети. Опозицијата пак остануваа на ставот дека со законот се опфатени „озлогласени криминалци“, а пренатрупаноста на затворите е само изговор.
