Амнести интернешнал го обвини Израел за геноцид врз Палестинците во Појасот Газа во извештајот објавен во четвртокот, велејќи дека израелската војска намерно извршила воени злосторства.Организацијата за човекови права, во извештај од 300 страници, рече дека за време на израелската офанзива, армијата намерно им донела страдање и уништување на луѓето што живеат во Газа.
„Нашите наоди мора да послужат како повик за будење до меѓународната заедница: ова е геноцид. Ова мора да престане сега“, се вели во изјавата на генералниот секретар на Амнести Интернешнл, Ањес Каламар.
Израел постојано ги отфрла ваквите обвинувања, нарекувајќи ги своите дејствија одбранбени и повикувајќи се на своето право на самоодбрана.
Целта е да се уништат Палестинците
Амнести нагласи дека Израел има за цел да ги уништи Палестинците. Државите кои продолжуваат да му доставуваат оружје на Израел ризикуваат да станат соучесници, се предупредува во извештајот.
„Државите кои продолжуваат да му доставуваат оружје на Израел во овој момент мора да знаат дека ја прекршуваат својата обврска да го спречат геноцидот и дека се во опасност да станат соучесници во геноцидот“, предупреди Каламар.
„Сите земји со влијание врз Израел, особено клучните добавувачи на оружје како САД и Германија, но исто така и другите земји-членки на ЕУ, Велика Британија и други, мора да дејствуваат веднаш за веднаш да стават крај на злосторствата на Израел против Палестинците во Газа“.
Организацијата повикува на итен прекин на, како што вели, геноцид, воспоставување прекин на огнот и ослободување на сите заложници.
