Американскиот синџирот на ресторани за морска храна „Црвениот јастог“ (Red Lobster) поднесе барање за стечај.
Компанијата која е позната по тоа што продаваше ракчиња и јастози по цена прифатлива за средната класа и прерасна во најголемиот синџир на ресторани за морска храна во светот, соопшти дека има повеќе од 1 милијарда долари долг и помалку од 30 милиони долари во готовина.
Сопствениците планираат да го продадат синџирот на своите заемодавачи и со парите да го продолжи животот на рестораните.
„Со 578 ресторани во 44 држави и Канада, опслужува 64 милиони клиенти годишно и генерира 2 милијарди долари годишна продажба“, соопшти компанијата во своето барање за стечај.
Аналитичарите, пак, велат дека причина за ваквиот исход е во тоа што сопствениците недоволното инвестирале во маркетингот, не го подобриле квалитетот на храната, услугата и со тоа ја намалиле способноста да конкурираат со растечките синџири за брза храна.
Црвениот јастог беше основан во 1968 година од страна на Бил Дарден, архитектот на револуцијата на обичните јадења во Америка, а генералот Милс наскоро го купи ресторанот. Подоцна „Црвениот јастог“ стана дел од Darden Restaurants, сопственик на Olive Garden и други синџири, а од 2020 година најголем инвеститор во синџирот е тајландскиот дистрибутер на морска храна Thai Union Group кој поседува 49% од компанијата.
Неодамна Thai Union соопшти дека ќе се откаже од „Црвениот јастог“ и ќе загуби 530 милиони долари од својата инвестиција.
