Американскиот прехранбен гигант Кока- Кола најави дека следната година ќе ги затвори центрите за флаширање и логистика на пет локации во Германија и ќе отпушти 500 работници. Како причина за оваа постапка се наведува дека компанијата ги исцрпила можности за проширување на бизнисот и е принудена да се прилагоди на новите промени во логистиката на пијалаци според која големите партнери за малопродажба се откажуваат од директните испораки и нарачуваат достава до централно складиште.
Според соопштението на Coca-Cola Europacific Partners (CCEP), се планира затворање на локации во Келн каде што има фабрика за флаширање на пијалаци и логистички центр и како и во Нојменстер, Берлин, Билефелд Меминген каде што има само логистички центри.
– Јасно ни е дека планираните промени се многу болни за вработените на кои ќе им престанат работните места. Затоа ни е уште поважно планираните промени да ги спроведеме на општествено одговорен и транспарентен начин- изјави првиот човек на Coca-Cola Europacific Partners Тилман Ротхамер.
Оваа компанија во Германија и вработува приближно 6.500 работници на 27 локации, вклучително и 14 фабрики за флаширање.
Затворањето на фабриката и на логистичките центри подразбира престанок на 505 работни места и префрлање на 207 од нив на други локации.
Во исто време, компанијата планира да отвори 78 нови работни места.
