Маж во американската сојузна држава Канзас починал откако неговото куче згазнало на пушка и го застрелало од задниот дел на камион, пренесува Sky News.
Полицијата не го наведе името на жртвата, но на совозачкото седиште е пронајден маж, застрелан во грбот. Според „Скај њуз“, повикана е брза помош и му била извршена реанимација на 30-годишникот, но тој не можел да се спаси и починал на лице место.
Шефот на противпожарната служба во Велингтон, Тим Хеј, изјави дека уште едно лице е пронајдено неповредено на возачкото седиште.
Тие сметаат дека несреќата е поврзана со лов бидејќи опремата била пронајдена во задниот дел од возилото.
„Куче на сопственикот на возилото згазнало на пушката, при што била испукана куршума“, соопшти канцеларијата на шерифот на округот Самнер во изјава за локалните медиуми.
