Амбер Херд (36) сèуште не му дава мир на својот поранешен сопруг Џони Деп (59), а овој пат, како што тврдат нејзините адвокати, во незапечатените судски документи пишува дека актерот боледува од еректилна дисфункција, поради што и сексуално ја нападнал.
– Иако г-дин Деп би сакал да не ја открие својата состојба на еректилна дисфункција, таквата состојба е апсолутно релевантна за сексуалното насилство, вклучувајќи го гневот на г-дин Деп и употребата на шише со кое ја силувал Херд – се наведува во поднесокот од 28 март, како што објави „Дејли мејл“.
Според адвокатот на Амбер Херд, еректилната дисфункција лесно може да доведе до состојба на лутина и агресија, а токму поради неа дошло до насилното однесување на Деп, а на крајот и до силување.
– Го нареков лут секс кој Џони не можеше во потполност да го изведе. Неколкупати ме фрлаше на креветот. Некогаш бесно се нафрлаше на мене – рекла Амбер и додала дека нејзиниот поранешен сопруг многу време поминувал со пријателите со кои пиел.
Меѓу нив беа и нејзиниот татко Дејвид Херд и музичарот Мерлин Менсон.
Според актерката, по ваквите излегувања тој често доаѓал дома пијан и се однесувал како насилник.
