Глумицата Амбер Херд ги напуштила САД и се преселила во Мадрид откако го загубила судскиот случај со поранешниот сопруг Џони Деп.
Како што пишува „Дејли мејл“, таа си заминала од Холивуд и „тивко се преселила во Шпанија со нејзината ќерка Унаг“.
– Хард говори два јазика – англиски и шпански, па преку океанот е среќна, и сака да ја одгледа ќерка ѝ подалеку од вревата – вели пријателка на глумицата.
Не е познато дали Амбер засекогаш или само привремено ја напуштила глумата.
– Мислам дека таа не брза да се врати на работа или во Холивуд. Веројатно ќе дојде и тоа, кога ќе дојде вистинското време, за вистинскиот проект – додава пријателката.
Во јули 2022 година, глумицата ја продала куќата во долината Јука, во Калифорнија за 1,1 милион долари. Оттогаш, таа минувала доста време во Шпанија. Во октомври лани, Амбер била фотографирана на плажа во Мајорка, како и во детски парк со својата ќерка.
