Фудбалерите на италијанска Аталанта од Бергамо ја освоија првата европска титула во историјата, во финалето на Европската лига во Даблин го совладаа Баер со 3:0 (2:0), со што на клубот од Леверкузен му го нанесоа првиот пораз сезонава.
Совршената сезона на Баер застана, и без разлика на тоа, тој може да биде воодушевен од сработеното. Првпат стана победник во Бундеслигата, а ќе игра и во финалето на ДФБ Покал. Сепак, серијата на непобедливост сезонава престана во 52. одигран натпревар.
„Не планиравме да имаме лош ден денес, но не ни беше предвидено“, изјави Чаби Алонсо за TNT Sports и продолжи;
„Не успеавме да реализираме некои работи за кои се подготвувавме, бидејќи Аталанта е тим кој толку многу бара од вас. Ситуации еден на еден, дуели… Не ја добивме топката во вистинските моменти за да искористиме прилики. Тие го направија тоа многу добро. Не можевме да се вратиме. Тоа не беше наменето да биде. Серијата без пораз заврши, но честитки за Аталанта, тие тоа го заслужуваат. Не беше до тактика. Беа подобри индивидуално, но и тимски. Мора да научиме од овој пораз. Боли што се случија на овој натпревар, во финалето, но не чека уште едно финале во сабота и ќе се обидеме да извлечеме поука“.
