Актерот Воислав Говедарица почина на 83-годишна возраст, во својот дом во Лос Анџелес, каде што живеел долги години.
Глумеше во различни американски и српски продукции, како што е серијата „Убијците на мојот татко“. Меѓу странските продукции глумеше и во „Рамбо 2“, како и во филмот „Срцето на лавот“.
Во светот на филмот Воислав Говедарица, познат и како Војо Гориц, го вовел режисерот Пуриша Ѓорѓевиќ со улогите во филмовите „Утро“ и „Пладне“, како и Ѓорѓе Кадијевиќ во остварувањето „Празник“, а играше и со Бата Живојиновиќ во „Операција Белград“ и „И Господ создаде кафеанса пејачка“…
По заминувањето во Америка, многу брзо стана познат и на пошироката јавност, и тоа по улогата на незгодниот Русин Јушин во акциониот филм „Рамбо 2“ (1985) со Силвестер Сталоне, чиј личен телохранител беше тој. Тој се појави и во филмот „Лавовско срце“ (1990) со Жан-Клод Ван Дам, во кој играше наредник на Легијата на странците и изговори неколку реплики на српски. Воислав имаше забележителни споредни улоги. За малку ќе добиеше значајна улога во „Робин Худ“, со познатиот Кевин Костнер.
