Актерката Кејт Саундерс, која играше во култната серија „Сплетки“, почина на 62-годишна возраст, јавуваат медиумите.
Кејт ја глумеше полицајката Сандра во хит ситком „Сплетки“ и глумеше покрај Дејвид Џејсон во епизода од 1982 година. Нејзината сестра Луиза Санерс вчера се огласи на Твитер и ја објави тажната вест.
„Мојата сестра, која ја загубивме минатиот петок. Најгрижливата, најхрабрата, највеликодушната и најблескава жена што некогаш ќе ја сретнам. Небото знае како ќе живееме без неа“, напишала сестрата на актерката.
Покрај актерската кариера, Кејт беше и наградувана писателка, новинарка и критичарка.
Во последните години од животот, Кејт водеше битка со мултиплекс склероза, а нејзиното здравје особено се влоши по смртта на нејзиниот син.
Сепак, таа продолжи да пишува до последниот ден.
