Високиот крвен притисок е одговорен за половина од сите срцеви и мозочни удари, а многу луѓе ширум светот не ни знаат дека го имаат.
Научниците откриле дека јадењето храна богата со калиум, како што се бананите, може да го намали ризикот од срцев удар и мозочен удар, особено кај жените. Други корисни намирници за превенција од висок крвен притисок се лиснатиот зеленчук, лососот, туната, гравот, кајсиите и авокадото, пишува Mirror.
Фактори кои го зголемуваат ризикот од висок крвен притисок вклучуваат возраст, семејна историја на болести, пушење, алкохол, прекумерно внесување сол и премалку овошје и зеленчук, недостаток на физичка активност и дебелина.
Луѓето кои живеат во сиромашните области и луѓето со африканско или карипско потекло се исто така изложени на поголем ризик. Промените во исхраната и поголемата физичка активност можат да го подобрат крвниот притисок, пишува Mirror.
