Агенцијата за храна и ветеринарство (АХВ) соопшти дека до овој момент нема добиено нотификација преку Системот за брзо известување за безбедна храна и храна за животни на ЕУ (RASSF), дека на македонскиот пазар се пласирани небезбедни производи говедска и пилешка коцка за супа од хрватската компанија Подравка од Копривница.
АХВ посочува дека ќе ја следи состојбата и доколку добие известување веднаш ќе ги спроведе потребните мерки и ќе ја информира јавноста.
Државниот инспекторат на Република Хрватска денеска повлече говедски и пилешка коцки за супа тешки 120 грама со рок на траење до 2 и 3 јули 2025 година, поради можна контаминација поради механичко оштетување на машината.
– Повлечената говедска коцка е од серија 0207241 и може да се користи до 2 јули 2025 година, додека коцката со пилешко е од серијата 0307241 со рок на траење до 3 јули 2025 година, се вели во објавата на Хрватската агенција за земјоделство и храна на својата веб-страница.
