Регионот на источна Турција на границата со Сирија го потресоа уште два земјотреси.
Според податоците на EMSC, првиот бил со јачина од 4,9 степени според Рихтеровата скала, додека вториот бил со помал интензитет – 3 степени.
Епицентарот на земјотресот бил на 18 километри јужно од Антакија на длабочина од 10 километри.
Според жителите, земјотресот бил почувствуван и во Идлиб, Сирија.
Да потсетиме, повеќе од 50.000 луѓе загинаа во земјотресите со јачина од 7,7 и 7,6 степени според Рихтеровата скала што на 6 февруари ја погодија јужна Турција и северозападна Сирија. После тоа се забележани повеќе од 7.250 последователни потреси. Урнати се околу 200.000 станбени единици.
