Американскиот претседател Џо Бајден утрово ненајавено го посети Киев, иако вчера Белата куќа изјави дека тој ќе ја посети само Полска, а не и Украина. И покрај високиот ризик од очекуваниот руски напад, само четири дена пред годишнината од војната, Бајден беше забележан пред манастирот Свети Михаил со Златна купола со украинскиот претседател Володимир Зеленски, пишува Вашингтон пост.
Посетата со висок ризик, на украинскиот главен град кој е под закана од ракетни напади, сигнализира континуирана посветеност на Соединетите Американски Држави, најголемиот финансиски и воен поддржувач на напорите на Украина да ги одбие руските напаѓачи од нејзината територија.
Украинскиот главен град беше во строга безбедносна блокада со автомобилски сообраќај запрен, па дури и пешаци блокирани од одредени улици. Набргу потоа, во градот се активирала сирена за воздушен напад.
Рускиот претседател Владимир Путин би можел да прогласи победа во градот Бахмут во Украина на годишнината од војната, иако градот веројатно целосно не е заземен. Ова е последната анализа на британското Министерство за одбрана(МО). Во 361 ден од војната, Бахмут останува клучна точка, а украинскиот претседател Володимир Зеленски вчера изјави дека Украина ќе го брани градот, но не по секоја цена.
Во извештајот се наведува дека руските сили продолжуваат со повеќекратните офанзивни операции во источна Украина, вклучувајќи ги и нападите врз градовите Угљедар, Кремина и Бахмут. Сепак, тие трпат огромни загуби, според британските разузнавачи.
Бајден инсистираше на тоа дека САД ќе продолжат да ја поддржуваат Украина „колку што е потребно“ и покрај означувањето на поддршката кај американската јавност и без краткорочни изгледи за мировни преговори за ставање крај на конфликтот.
Досега администрацијта на САД обезбедил околу 30 милијарди долари од почетокот на војната.
По средбата со Зеленски, Бајден треба во Полска да се сретне со полскиот колега Анджеј Дуда за да разговара за „колективните напори за поддршка на Украина и зајакнување на моќта за одвраќање на НАТО“.
