Претседателот на Чеченија Рамзан Кадиров планира да основа приватна воена компанија слична на групата Вагнер.
Кадиров, кој ја критикуваше традиционалната армија заедно со водачот на Вагнер, Евгениј Пригожин, неодамна ги пофали нивните „импресивни резултати“.
Силите на Кадиров веќе дејствуваат главно независно од руското Министерство за одбрана, но тој е верен сојузник на Владимир Путин.
– Кога ќе ја завршам службата во државата, сериозно планирам да се натпреварувам со нашиот драг брат Евгениј Пригожин и да создадам приватна воена компанија. Мислам дека сè ќе успее – рече Кадиров, кој е на чело на Чеченската Република од 2007 година.
Во сè покомплицираниот однос меѓу трите извори на воена моќ на Путин, Кремљ неодамна се обиде да го минимизира растечкото влијание на Пригожин, отстранувајќи ги неговите сојузници од Министерството за одбрана и спречувајќи ги државните медиуми да го спомнуваат него или Вагнер.
