Заменик-министерот за култура Диам Лучи одлучи да не биде дел од партијата Алтернатива која излегува од владата, со што тој останува на својата функција. Лучи на социјалните мрежи го обвини лидерот на Алтернатива, Африм Гаши дека самиот одлучил да излезе од владината коалиција, само затоа што се разрешува, како што вели, неговиот пријател Беким Сали.
Тој ги обвини Гаши и Сали дека правеле сè за да изгледа дека тој е „пропаднат кадар“, додека вистината според него е дека имал успешен мандат како заменик-министер.
Лучи потврди и дека е близок со пратеникот Скендер Реџепи кој лани ја напушти Алтернатива за да дејствува како независен пратеник.
