Европската агенција за лекови (ЕМА) очекува кампањата за вакцинација против Ковид да се спроведува еднаш годишно, слично на пристапот преземен со вакцината против грип, објави во средата европскиот регулатор.
Иако Ковид-19 сè уште не се однесува како сезонски вирус во зимските бранови, Марко Кавалери, кој е одговорен за заканите по здравјето и стратегиите за вакцинација во ЕМА, на прес-конференција рече дека ова „може да биде насоката во која ќе одиме ” .
Во Европа има пад на нови случаи на ковид-19, хоспитализации и смртни случаи, а тоа се најниските нивоа забележани во ЕУ во изминатите 12 месеци, додаде Кавалери, повикувајќи се на податоците од Европскиот центар за превенција и контрола на болести. ECDC).
Сепак, вирусот продолжува да се развива и потребен е организиран пристап за одржување на низа вакцини со цел да се обезбеди соодветна заштита од нови варијанти, истакнува Кавалери.
ЕМА моментално разговара со Светската здравствена организација (СЗО) и другите регулаторни агенции за критериумите и процесот што ќе доведат до потенцијално ажурирање на вакцината за идните кампањи за вакцинација, додаде тој.
