Во последните денови, неколку мистериозни летечки објекти се појавија на северноамериканското небо. Случајот со соборувањето на кинескиот балон на почетокот на месецот разви чувствителност на други непознати објекти на небото, така што Северна Америка моментално има појасна свест за можните опасности што ги носат ваквите непознати летечки објекти.
Во Соединетите Американски Држави се зголеми и бројот на пријави за неидентификувани летечки објекти (НЛО). Досега, според владини извори, се пријавени 510 вакви случаи. Многу од овие објекти беа забележани во воени чувствителни области.
Од тој број, 144 пријави се однесуваат на веќе познати предмети, но има и 366 сосема нови извештаи на очевидци. Владата нагласува дека се уште нема индиции за присуство на вонземски живот, пренесува Дојче веле.Минатата година, американското Министерство за одбрана формираше Канцеларија за решавање на аномалии на сите домени (AARO), чија единствена цел е да собира и анализира извештаи на очевидци за неидентификувани појави.
Голем број вакви извештаи доаѓаат од воени пилоти. ААРО работи со Тајната служба за да ја процени веродостојноста на овие сведоштва.
