Патрик Стоун, брат на познатата актерка Шерон Стоун, ненадејно починал на 57-годишна возраст.
Патрик починал во неделата во Пенсилванија од срцев удар, но засега не е познато дали бил хоспитализиран во моментот на неговата смрт.
За смртта на помладиот брат на актерката официјално објави и неговата сопруга, Таша Стоун:
„Како да ми го извадија срцето од градите. Патрик отиде да биде со нашиот сладок Ривер… Не знам што друго да кажам, тој беше мојот свет. Додека повторно не се сретнеме, засекогаш ќе те чувам тебе и нашите прекрасни (и некои не толку прекрасни, но подеднакво важни) спомени во моето срце и секогаш ќе се навраќам на тие спомени. Те сакам душо. Барем Ривер сега го има таткото му и се надевам дека вие двајцата си поминувате најдобро“.
Ривер, единаесетмесечниот син Патрик и на Таша, почина во август 2021 од откажување на органите.
Шерон се уште не се огласила на социјалните мрежи за смртта на братот. Таа последен пат објави заедничка фотографија со него во септември 2018 година, кога со своите деца отидоа на семејно патување на Алјаска.
