Дијабетесот е состојба во која телото не може да го регулира нивото на шеќер во крвта, а во повеќето случаи може да предизвика симптоми како што се прекумерна жед, потреба за често мокрење, замор и промени во ноктите.
Д-р Сара Вајт рече дека не е невообичаено да се појават промени во ноктите кога станува збор за дијабетес и предупреди дека „дијабетесот може да доведе до инфекции и кршливост на ноктите“.
Жолти нокти
Истражувањата покажуваат дека дијабетесот може значително да влијае на протеините во вашите нокти поради зголемената стапка на процесот наречен гликозилација. Д-р Вајт објасни дека овој процес предизвикува ноктите да пожолтуваат.
„Доколку вашите нокти ја промениле бојата, тоа може да значи дека сте имале висок шеќер во крвта или неконтролиран дијабетес веќе некое време“, рекол докторот.
Габа за нокти
Габичните инфекции на ноктите се исто така чести кај дијабетичарите, додаде д-р Вајт. Тоа е затоа што зголеменото ниво на гликоза може да предизвика постепено оштетување на нервите и крвните садови, пренесува Index.hr.
„Со послаба циркулација на крвта и повисоко ниво на гликоза, поверојатно е да се појават габични инфекции, а особено се забележливи на ноктите. „Повисокото ниво на гликоза, исто така, значи дека постоечките бактерии можат побрзо да се развијат во инфекција“, рече докторот.
Тенки и кршливи нокти
Ноктите кои се тенки и кршливи се исто така еден од симптомите што може да укажуваат на дијабетес.
„Кога циркулацијата на крвта околу вашите прсти или стапала е намалена, тоа може да предизвика вашите нокти да станат тенки и кршливи. „Кога ноктот е оштетен, тој е повеќе склон на инфекција од нечистотија или влага“, објасни д-р Вајт.
