Во вторникот АТП организацијата официјално објави дека нема доволно докази за да се казни германскиот тенисер Александар Зверев за семејно насилство.
Зверев, не така одамна вториот тенисер во светот, а денес 14-ти на АТП-листата, беше обвинет од неговата поранешна девојка за физичко малтретирање. АТП започна независна истрага во октомври 2021 година, а денеска објави дека нема докази за казнување и дека овој случај е завршен од нивна страна.
Олга Шарипова, поранешната девојка на актуелната олимписка шампионка, најпрвин го разоткри физичкото насилство на социјалните мрежи, а подоцна во интервјуа изјави дека Зверев ја тепал, ја задушил со перница и ја заклучил во хотелски соби. Германскиот тенисер ги демантираше сите овие наводи.
Впрочем, АТП нагласи дека нема основа за изрекување дисциплински мерки, но дека ќе преземе дополнителни чекори доколку се појават нови докази.
