Гардата на Лос Анџелес Лејкерс, Расел Вестбрук, стана десеттиот лидер на асистенција на сите времиња во НБА, откако забележа 10 асистенции во поразот на Лејкерс од Бруклин Нетс со 104:121.
Вестбрук стигна до 8.972 асистенции, минувајќи го Гери Пејтон, кој има 8.966 асистенции.
„Не ни сонував дека ќе бидам на оваа позиција. Да ми кажеше некој пред 15, 20 години дека ќе бидам меѓу првите десет во асистенции, ќе мислев дека се луди“, изјави 34-годишниот Вестбрук кој до крајот на сезоната најверојатно ќе го фати Исаја. Томас, кој е на деветтото место со 9.061.асистенција.
Тренерот на Лејкерс, Дарвин Хам, го истакна Вестбрук за асистенциите во соблекувалната по натпреварот и покрај поразот.
„Сите му аплаудираа. Тоа е сериозен подвиг. На крајот, Леброн ќе го постави рекордот за најмногу поени, а Рас само што влезе во првите десет асистенции на сите времиња. Тие работи се одлични“, изјави Хам.
На врвот на листата на најдобри асистенции во историјата на НБА е Џон Стоктон (15.806) пред Џејсон Кид (12.091) и Крис Пол (11.246).
