Новак Ѓоковиќ никогаш полесно не влегол во четвртфинале на Грен слем турнир. Со големата серија на освоени гејмови во сите три сета го скрши отпорот на Австралиецот Де Минор 6:2, 6:1, 6:2 и избори место меѓу осумте најдобри, каде го чека Андреј Рубљев, петтото семе.
Првиот сет беше интересен само до резултат 2:2. Ѓоковиќ го засили темпото и за нешто повеќе од 15 минути освои четири гема и стигна до 6:2.
Во ист ритам продолжи и во вториот сет. Лесно го добива својот гем на свој сервис, а потоа со нов брејк стигнува до 2:0. Не застана тука, продолжи да блеска и за еден час стигна до 5:0. Де Минор само се запиша на семафорот пред Ѓоковиќ да стигне до огромни 2:0
Ништо не се смени ниту во третиот сет. Серијата на Ѓоковиќ не престана. Поведе со 3:0 со два брејка, а потоа лесно ја заврши работата за да се пласира во четвртфиналето. Де Минор спаси една меч топка при 5:1 на свој сервис, но Ѓоковиќ заврши се со сервис гем на свој сервис.
Ѓоковиќ црташе на теренот, неговиот бекхенд беше особено впечатлив, а она што е најважно за неговите фанови, немаше ни трага од повредата на грбот која го мачеше последните неколку дена.
Дуелот со Рубљов е повторно на распоред во среда, најверојатно во 9 часот по српско време.
