Ако имате семејна историја на срцеви заболувања или други кардиоваскуларни проблеми, тоа не значи дека сте осудени на истото. Иако генетиката игра улога во здравјето на срцето, се проценува дека 90 проценти од срцевите заболувања може да се спречат преку исхрана и начин на живот.
Кардиологот Норман Лепор тврди дека постои една навика која може да има катастрофални ефекти не само на срцето, туку и на целокупното здравје.
„Пушењето значително го зголемува ризикот од мозочен удар, срцев удар и периферна васкуларна болест, што може да доведе до ампутација на ногата во тешки случаи“, вели д-р Лепор. Тој додава дека редовното пушење може да предизвика и таложење на наслаги во коронарните артерии, што може да го подигне нивото на ЛДЛ, односно лошиот холестерол, пишува Index.hr.
Ако пушите, можеби ви изгледа тешко да се откажете, но тоа е најдоброто нешто што можете да го направите за вашето здравје. д-р. Лепор го охрабрува секој што пуши да разговара со својот лекар за опциите што им се достапни за да се откажат од пушењето.
На здравјето на срцето негативно влијае седентарен начин на живот, исхрана богата со заситени масти и натриум и прекумерната тежина.
