Најмалку 15 војници загинаа, а тројца се повредени во пожар во касарна во источна Ерменија, соопшти Министерството за одбрана.
Министерството соопшти дека тројца повредени војници се во тешка состојба.
Пожарот избувнал околу 1:30 часот утринава по локално време (23:30 часот по средноевропско време) во селото Азат во источниот регион на Гегаркуник. Причината се уште не е утврдена.
Кавкаската земја со околу три милиони жители сè уште се опоравува од тежок пораз во конфликтот со соседен Азербејџан во 2020 година за регионот Нагорно-Карабах и политичката криза што следеше.
Иако големите борби за таа област завршија, се уште има тензии меѓу двете земји околу границата.
