Премиерот Димитар Ковачевски на денешната прес-конференција со ТИРЗ се осврна и на преземањето на претседавањето со ОБСЕ, при што најави дека на почетокот на февруари ќе патува за Украина каде што ќе има средба со украинскиот претседател Володимир Зеленски.
– Ние сме и држава којашто претседава со ОБСЕ, тоа е една исклучително голема обврска, одговорност, но и можност за промоција на Северна Македонија како држава, која го предводи процесот на унапредување на мирот и безбедноста во Европа и особено во вакви геостратешки услови каде на територијата на Европа се води војна. Тоа бара ресурси, но и вклучување на сите капацитети, кои ги има државата. Османи вчера ги претстави приоритетите на нашето претседателство, на почетокот на идната недела ќе биде во Украина бидејќи тоа е врвен приоритет на безбедноста и стабилноста во Европа. И јас ќе одам на почеток на февруари, каде ќе имам средба со Зеленски – рече премиерот Ковачевски
