Народниот правобранител Насер Зибери верува дека ќе стане првиот премиер Албанец, бијдеќи очекува очекува да се испочитува договорот кој меѓусебе го имаат партиите СДСМ и ДУИ, одговори тој во гостувањето во емисијата „Програма 200“ на Алсат М.
– Имиџот на првиот премиер верувам остави впечаток кај сите граѓаните, и ова несомнено дека претставува љубопитност за секој. Верувам дека ова ветување не е само заборавено ветување, верувам дека договорот помеѓу двата главни субјекти на власт ќе се почитува и во последните три месеци ќе се реализира, инаку и поранешниот лидер на СДСМ потврди лично дека тоа е договорено и дека таквото ветување за Албанците ќе стане реалност – рече Зибери во гостувањето на Алсат.
Прашан дали се чувствува изманипулиран од ДУИ, бидејќи му било ветено премиерско место, а заврши на функцијата народен правобранител, Зибери рече дека му понудиле да биде прв вицепремиер, министер за правда и многу други позиции, но дека негова одлука била да не биде вклучен во извршната власт.
– Во тие околности не можеше да се направи ништо повеќе. Моја беше одлуката дали би сакал да се приклучам на извршната власт со уште една функција или да останам надвор. За волја на реалноста, лидерот, претседателот на ДУИ ми ги понуди сите опции. Во смисла на прв потпретседател на Владата, министер за правда и други функции, за кои оценив дека не треба да се мешам во извршната власт, бидејќи јас бев кандидат за премиер – изјави Зибери.
Фото: МИА
