Поради појава на магла намалена видливост од 50 до 100 метри има на патниот правец Скопје – Велес, а од 100 до 150 метри на патот Градско – Неготино, информира АМСМ.
На останатите патишта во државата сообраќајот се одвива непречено по суви коловози со умерен интензитетот на патните правци надвор од градските средини. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
