Најмалку осум лица загинаа, а неколку се повредени за време на обилните снежни врнежи во Јапонија, соопштија официјални лица во петокот, јавува Анадолија.
Обилниот снег продолжува да предизвикува проблеми на брегот на Јапонското Море, објави телевизијата NHK.
Снежна бура е забележана долж брегот на Јапонското Море во северните и западните делови на земјата.
Типична шема на зимски притисок околу Јапонија дозволува да дува ладна воздушна маса, соопшти Јапонската метеоролошка агенција.
Оттаму додаваат дека лошото време се очекува да продолжи до понеделник.
Многу области во западна Јапонија беа погодени од рекордни снежни врнежи, вклучувајќи го и Шикоку, најголемиот западен остров во Јапонија.
