Легендата на бразилскиот фудбал, 82-годишниот Пеле, нема да биде отпуштен од болницата Алберт Ајнштајн каде се лекува од рак на дебелото црево, бидејќи состојбата му се влошила.
„Болеста на Пеле напредува и му е потребна дополнителна нега за лекување на проблеми со бубрезите и срцето“, соопштија од болницата и додадоа дека тој нема да биде преместен на одделението за интензивна нега.
Пеле беше примен во болница на 29 ноември.
Веста за влошување на здравствената состојба на Пеле ја потврдија и неговите ќерки кои преку Инстаграм објавија дека нивниот татко Божиќ ќе го помине во болница.
