По видеото кое го обиколи светот, а на кое се гледа момче од Украина кое, како што тогаш беше наведено, „ја минува границата липајќи“ без придружба на своите родители, реагираше полската гранична служба која ги демантираше овие тврдења.
Имено, Граничната служба изјавила дека четиригодишното момче Валериј од Украина не ја поминало сам границата, туку дека е со семејството, а од службениците на граничниот премин Медика добивал слатки.
Тие исто така нагласија дека момчето и неговото семејство се безбедни во Полска.
Да потсетиме, Си-Ен-Ен сподели шокантно видео на Ројтерс кое набрзо стана вирално, на кое момчето е прикажано сам во зимска јакна и пластична кеса во рацете како плаче како ја преминува границата со Полска.
Во тој момент никој не се движел покрај него, па било пријавено дека момчето дошло од Украина сам и без придружба на родителите.
