Американскиот претседател Џо Бајден вчера објави дека САД забрануваат увоз на руска нафта, природен гас и јаглен, а тоа го коментираше и украинскиот претседател Володимир Зеленски.
„Увозот на нафта и други руски енергетски извори ќе нанесе уште еден удар на воената машина на Путин. Ќе ја почувствуваме цената и овде во САД. Реков дека ќе бидам искрен со американскиот народ од самиот почеток. Кога првпат зборував за тоа, реков дека одбраната на слободата ќе чини пари. Ќе не чини и во САД. „Републиканците и демократите го разбираат тоа подеднакво и се јасни дека мораме да го сториме тоа“, рече Бајден.
Зеленски: Америка направи чекор кој значително ќе го ослаби непријателот
Украинскиот претседател Володимир Зеленски повторно и се обрати на јавноста и ја коментираше одлуката на Бајден.
„Украинци, денес имаме важни вести. Америка направи чекор кој значително ќе го ослабне непријателот. Што ќе ги натера да платат за агресијата и да одговараат за злосторствата што ги направија“, рече Зеленски во видео пораката во која им се заблагодарува на Бајден и на САД за одлуките да го забранат увозот на руска енергија и да ги забранат руските инвестиции во рускиот енергетски сектор.
