Германската тениска легенда и шесткратен Грен слем победник Борис Бекер даде интервју за германскиот ТВ канал „Sat 1″ за 435 илјади фунти, објави „Дејли мејл“.
Како што забележува изданието, поранешниот прв рекет на светот ќе го опише својот ужас од тоа што бил затворен во заедничка ќелија со убијци и силувачи.
– Во затворот си никој, само обична бројка. Повторно ја открив личноста што бев. Научив тешка лекција. Беше скапо и болно. Некои работи се случуваат со причина – вели Бекер.
– Седнав на работ од креветот од шест часот наутро и се надевав дека вратата ќе се отвори. Дојдоа во осум и пол, ја отклучија вратата и ме прашаа дали сум подготвен. Реков „ајде да одиме“. Веќе се спакував – објаснува поранешната тениска легенда.
Едночасвното интервју ќе се емитува утре на германски и англиски јазик. Целта е да се дистрибуира во странство, затоа што има голем интерес за него.
По интервјуто на Бекер ќе следи телевизиска дебата во живо на ТВ Сат 1.
Тој наводно престојува во луксузен хотел во Минхен. Германските медиуми јавуваат дека имало жестоки реакции кои дошле на адреса на ТВ куќата „Сат1“. што на Бекер искешира сериозни пари за интервјуто.
„Толку пари дајте му на криминалец, подобро да ги платиле за хуманитарни цели“, „како да му дадете пари на криминалец, патетично“, „треба да направите интервју со луѓе кои се трудат 40 години, едвај врзуваат крај со крај. “, „Борис Бекер не е херој отколку осуден криминалец“, „фрлате милиони на криминалец“, се само дел од коментарите.
На 15 декември се дозна дека Бекер ќе биде ослободен од затвор пред предвиденото. Во април 2022 година, лондонскиот суд го осуди на две и пол години затвор за измама во случај на банкрот.
