Греењето е целосно обновено во Киев по последното руско бомбардирање на водоводната и енергетската инфраструктура, изјави во неделата градоначалникот на главниот град Виталиј Кличко. „Градот ги обновува сите услуги по последното гранатирање“, рече Кличко на апликацијата за пораки Телеграм. „Конкретно, системот за снабдување со топлинска енергија во главниот град е целосно реновиран. Сите извори на топлинска енергија работат нормално“. Украинските власти соопштија дека Русија истрелала повеќе од 70 проектили во петокот во еден од најжестоките напади од инвазијата на 24 февруари, предизвикувајќи прекин на електричната енергија низ целата земја и прекин на пристапот до топлина и вода. Температурите во Киев и многу места низ Украина во неделата наутро беа под нулата, а до вечер се прогнозира главниот град да се спушти до минус 6 Целзиусови степени. Киев е убедливо најголемиот град во Украина со проценето население од околу 3 милиони жители, а уште два милиони живеат во регионот на Киев. Од саботата третина од градот остана без струја. Сергеј Коваленко, извршен директор на ЈАСНО, кој го снабдува Киев со електрична енергија, изјави доцна во саботата дека снабдувањето со електрична енергија се зголемува секој час. Ситуацијата е се уште тешка и критична“, објави Коваленко на својот Фејсбук профил.
