Уште 20 клубови и вистината ќе се разбере, вели финансиерот на бугарските клубови во Македонија, Милан Врабевски во интервју за БНТ. Тој рече и дека Македонија била украдена територија од Бугарија, а на Македонците „им биле испрани мозоците од југословенскиот модел од кој нема полош и погрд во светот“.
– За бугарските клубови во Македонија, ме прашувате која е опцијата за решавање на проблемот со насилството. Многу е едноставно, отварање на уште 20 клубови и постепено вистината ќе се разбере, а евроинтеграциите значат пред сè вистина. Таа ќе ве ослободи – изјави финансиерот кој во јавноста е претставен како филантроп.
